Charles de Sainte-Marthe, “On veult sçavoir si je suis amoureux”, 1540
“À Mademoiselle Beringue. Que son Amour est immortel.”
Texte
On veult sçavoir si je suis amoureux,
Je dy qu’ouy, et qu’aymer je veulx bien.
Puis on me dit que je suis malheureux,
Et que je doibs penser en moy combien,
Pour aymer Corps, lequel ne dure rien,
Et les Amours, et Amoureux sont morts.
Par ce moyen, ce leur responds je lors :
“Je suis heureux. Mon Amour n’est point tel,
J’ayme d’Esprit, et l’Esprit, non le Corps,
Par ainsy est mon Amour immortel”.
Source : La Poesie Françoise, 1540.
OpenEdition vous propose de citer ce billet de la manière suivante :
Equipe éditoriale de la Fleur des Tanneurs (3 mars 2022). Charles de Sainte-Marthe, “On veult sçavoir si je suis amoureux”, 1540. Fleur des Tanneurs. Consulté le 18 janvier 2026 à l’adresse https://doi.org/10.58079/ophf
