Hugues Salel, “Si la beaulté se vouloit faire veoir”, 1540
“De la plus belle.”
Texte
Si la beaulté se vouloit faire veoir
À l’oeil humain, soubz forme tresinsigne,
Elle viendroit de ton corps se pourvoir,
De ton maintien, de ta grace benigne.
Ô corps parfaict, ô clere ame divine,
Dont la vertu toutes autres efface !
Les traictz gentilz de ta celeste face
T’ont envers tous si tresdigne rendue,
Que l’on te nomme en te voyant en place,
La beaulté mesme icy bas descendue.
Source : Les Œuvres, 1540.
Pour citer cet article : Hugues Salel, “Si la beaulté se vouloit faire veoir”, 1540, texte édité par Océane CAUDRON, carnet Hypothèses Fleur des Tanneurs, 25 avril 2022, https://fdt.hypotheses.org/1380, article consulté le 9 août 2022. [U. de Tours | CESR (UMR 7323 CNRS) - L3 Lettres].