Hugues Salel, “Le bien offert, ô ma muse honorée”, 1540
“Responce à une dame qui estoit sa muse par alliance.”
Texte
Le bien offert, ô ma muse honorée,
Est trop petit pour respondre au merite ;
Avoir fauldroit une plume dorée,
Ung plus hault stille et veyne elaborée
Dont ta vertu fut chantée et descripte.
Tu es la muse et deesse d’eslite,
Pour mon confort en ce monde venue,
Tousjours seras ainsi par mes vers dicte,
Mais je me plains de fortune mauldicte
Qu’ung peu plus tost je ne t’aye cogneue.
Source : Les Œuvres, 1540.
OpenEdition vous propose de citer ce billet de la manière suivante :
Nolween Clopeau (25 avril 2022). Hugues Salel, “Le bien offert, ô ma muse honorée”, 1540. Fleur des Tanneurs. Consulté le 25 janvier 2025 à l’adresse https://doi.org/10.58079/opia
