Jean Paradin, “Douze choses te fault sçavoir”, 1546
“Les choses qui causent tout mal.”
Texte
Douze choses te fault sçavoir,
Qui engendrent mal, à sçavoir :
La vieillesse sans sapience ;
Sans bonnes œuvres, la prudence ;
Orgueil sans richesse et avoir ;
Richesses sans honneur avoir ;
Noblesse sans vertu et heur ;
Peuple libre sans correcteur ;
Puissance et estat sans clemence ;
Sans quelque crainte, adolescence ;
La femme sans honte et vergongne ;
Cité sans loix, qui tousjours grongne ;
Seigneurie, et autorité
Sans subjectz, et Priorité ;
Et d’un Religieux la vie,
Qui sans paix naist tousjours envie.
Tout ce (dy je) totallement
Ne vault rien, ny sert nullement.
Source : Micropaedie, 1546.
OpenEdition vous propose de citer ce billet de la manière suivante :
Seda Akdemir (5 mars 2023). Jean Paradin, “Douze choses te fault sçavoir”, 1546. Fleur des Tanneurs. Consulté le 4 octobre 2024 à l’adresse https://doi.org/10.58079/opj0
