François Habert, “Ce mot de pet, cousin germain de vesse”, 1549

“Du pet et de la vesse.”

Texte

Ce mot de pet, cousin germain de vesse,
Semble villain à plusieurs lourds esprits, 
Quoy que ce soit un mot de gentillesse, 
Où encor plus de proffit est compris.
Mais qui n’a l’art de medecine apris, 
Ne sçait combien le pet est proffitable, 
Si de douleur le ventre est fort surpris, 
Le pet luy est medecin secourable. 
La vesse est bien autant medicinable, 
La damoyselle en use par raison, 
Et toutesfoys pour s’en rendre excusable, 
Reproche en faict au chien de la maison. 
Pour faire donc, des deux, comparaison : 
Le pet ha plus de tiltres en sa bule ;
La vesse vient au nez par trahison,
Mais le pet parle, et dict qu’on se recule. 

Source : Le Temple de chasteté, 1549.

Voir également cette épigramme, qui fait suite à celle-ci.