François Habert, “Ce doulx plaisir de celle qui me baise”, 1542
“Du baiser de s’amye.”
Texte
Ce doulx plaisir de celle qui me baise,
A tant ravy mes amoureux espritz,
Que je ne scay ou si mon feu s’appaise,
Ou si je suis d’ung nouveau dard espris,
Mais tout soubdain qu’ung peu d’aleine ay pris,
Je cognois bien que mon feu recommence.
O franc baiser plein de benevolence,
Ta grand doulceur augmente mon tourment !
O belle en qui mise est mon esperance,
Fais moy ung don de plus doulx traictement !
Source : Le Livre des visions fantastiques, 1542.
[Voir la réponse à ce texte ici]
OpenEdition vous propose de citer ce billet de la manière suivante :
Marina Da-Silva (14 mars 2023). François Habert, “Ce doulx plaisir de celle qui me baise”, 1542. Fleur des Tanneurs. Consulté le 10 août 2026 à l’adresse https://doi.org/10.58079/opju
