Clément Marot, “Toy qui tirois aux dentz vieilles savattes”, 1547
“Du Savetier.”
Texte
Toy qui tirois aux dentz vieilles savattes,
De ton feu maistre or possedes et tiens
Rentes, maisons, et meubles ; jusques aux nattes,
À son trespas, il les ordonna tiens ;
Avec sa fille, en repoz t’entretiens.
Et mes parents, pour me faire Escolier,
M’ont faict tirer bien vingt ans au collier.
Qu’en ay-je mieulx ? Romps la plume et le livre,
Calliopé, puis que le vieux soullier
Donne si bien au Savetier à vivre.
Source : Epigrammes faictz à l’imitation de Martial, éd. posthume Poitiers, 1547.
OpenEdition vous propose de citer ce billet de la manière suivante :
Elisa Damier (5 avril 2023). Clément Marot, “Toy qui tirois aux dentz vieilles savattes”, 1547. Fleur des Tanneurs. Consulté le 7 décembre 2024 à l’adresse https://doi.org/10.58079/oplt
