Clément Marot, “Ce franc Baiser, ce Baiser amyable”, 1538
“Du Baiser.”
Texte
Ce franc Baiser, ce Baiser amyable,
Tant bien donné, tant bien receu aussi,
Qu’il estoit doulx ! O beaulté admirable,
Baisez moy donc cent fois le jour ainsy,
Me recevant dessoubz vostre mercy
Pour tout jamais ! ou vous pourrez bien dire
Qu’en me donnant ung Baiser adoulcy,
M’aurez donné perpetuel martyre.
Source : Les Œuvres, 1538.
Pour citer cet article : Clément Marot, “Ce franc Baiser, ce Baiser amyable”, 1538, texte édité par Elisa Damier, carnet Hypothèses Fleur des Tanneurs, 5 avril 2023, https://fdt.hypotheses.org/3815, article consulté le 29 septembre 2023. [U. de Tours | CESR (UMR 7323 CNRS) - L3 Lettres].