François Habert, “Au temps passé, Romains victorieux”, 1542
“À Monsieur le Conte de sainct Paul.”
Texte
Au temps passé, Romains victorieux
(Dont les grands faictz sont au monde espandus)
Non seulement ont esté curieux
De guerroyer, mais tresbien entendus
Aux lettres, dont illustres sont rendus.
Semblable à eulx j’estime ta nature
Car tu as bien cest ardent zele et cure
(Oultre les dons de ta noble proesse)
De t’employer à la littérature,
Qui donne bruict à ta vive noblesse.
Source : Le Livre des visions fantastiques, 1542.
OpenEdition vous propose de citer ce billet de la manière suivante :
Hermine Fety (20 mars 2023). François Habert, “Au temps passé, Romains victorieux”, 1542. Fleur des Tanneurs. Consulté le 11 septembre 2024 à l’adresse https://doi.org/10.58079/opjy
